Որքան է Գազայի հատվածում զոհերի թիվը․ միայն 24 ժամվա ընթացքում 117 երեխա է զոհվել

Գազայի հատվածում զոհերի թիվը հասել է 4651-ի, տուժել է 14245 մարդ։

Գազայի առողջապահության նախարարությունը հայտնել է, որ վերջին 24 ժամվա ընթացքում իսրայելական հրթիռակոծության հետևանքով զոհվել է 266 մարդ, այդ թվում՝ 117 երեխա։
 

Գազայի իշխանությունները հայտնել են նաև, որ Գազայի բնակիչների թիվը, որոնք լքել են իրենց տները հակամարտության սրման պատճառով, հասել է 1,5 միլիոնի:

Հավելենք նաև, որ Իսրայելի պաշտպանության բանակը սպանել է ՀԱՄԱՍ-ի հրետանային զորքերի փոխղեկավար Մեհմեդ Քաթմաշին։ Իսրայելի պաշտպանության բանակի տվյալներով՝ Քաթմաշը ներգրավված է եղել հրեական պետության վրա հարձակումների իրականացման ծրագրում։