ՏԵՍԱՆՅՈՒԹ․ Մերձմոսկվայում ռուսական ռոքի լեգենդ Ստաս Նամինի որդին դաժանաբար սպանել է եղբորն ու տատիկին
Մերձմոսկվայում դաժանաբար սպանվել են ռուսական ռոքի լեգենդ Ստաս Նամինի որդին և զոքանչը, հայտնում է SHOT տելեգրամյան ալիքը։ Ռեժիսոր Արտեմ Միկոյանն ու նրա տատիկը՝ Պոլինա Տկաչենկոն, դանակի բազմաթիվ վնասվածքներով հայտնաբերվել են ամառանոցում։
Երաժշտի 85-ամյա զոքանչին եւ նրա 30-ամյա որդուն սպանել են երեկ երեկոյան Իստրինսկի շրջանի Կրյուկովո գյուղի քոթեջում: Ընդ որում, քննիչները պայքարի հետքեր չեն հայտնաբերել, տան բոլոր իրերը մնացել են նույն տեղում։
Մարդասպանին հաջողվել է բռնել։ Նախնական տեղեկություններով՝ նա Ստաս Նամինի ավագ որդին է՝ Ռոման Միկոյանը։
Ստաս Նամինի որդու և զոքանչի սպանության պատճառը կարող էր լինել տան վաճառքի շուրջ վեճը, հայտնում են ԶԼՄ-ները։ Մեկ այլ վարկածի համաձայն՝ Ռոման Միկոյանը վիճել է հարազատների հետ, երբ նրան խնդրել են դադարեցնել թմրանյութեր օգտագործել։
ԶԼՄ-ները հաղորդում են, որ Ռոմանը ինքն է զանգահարել ոստիկանություն և սպասել քննիչներին սպանության վայրում։
