Ադրբեջանի ԱԳՆ արձագանքը՝ ԵԽ–ում Նիկոլ Փաշինյանի ելույթին
Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի՝ Եվրախորհրդարանում ունեցած ելույթին՝ հայտարարելով, թե այն «ցույց է տալիս Հայաստանի ագրեսիվ դիրքորոշումը և Ադրբեջանին մեղադրելու ցանկությունը»:
Ըստ պաշտոնական Բաքվի՝ «Ադրբեջանի հասցեին Հայաստանի մեղադրանքներն անհիմն են և հակասում են ՄԱԿ-ի զեկույցներին»:
Անդրադառնալով Լաչինի ճանապարհին՝ Բաքուն հայտարարել է, թե «Ադրբեջանն ինքնիշխանություն ունի իր տարածքում գտնվող բոլոր ճանապարհների նկատմամբ, իսկ այդ ճանապարհի չարաշահման մասին Հայաստանի պնդումները հակասում են վարչապետի ստորագրած եռակողմ համաձայնագրին»:
Ադրբեջանի արտգործնախարարությունը նշել է, թե Հայաստանը «պարտավոր է» ապահովել Ադրբեջանի արևմտյան շրջանները Նախիջևանի Ինքնավար Հանրապետության հետ կապող նոր տրանսպորտային հաղորդակցությունների կառուցումը, սակայն Երևանն, իբր, դա չի կատարում։
