Պեսկովը պատասխանել է Պուտինի և Իսրայելի վարչապետի սպասվող հնարավոր զրույցի մասին հարցին
Ռուսաստանի նախագահ Վլադիմիր Պուտինն Իսրայելի վարչապետ Բենիամին Նեթանյահուի հետ զրույց դեռևս չի պլանավորում։ Այս մասին լրագրողների հետ հարց ու պատասխանի ժամանակ նշել է Կրեմլի պաշտոնական ներկայացուցիչ Դմիտրի Պեսկովը, փոխանցում է ՏԱՍՍ-ը։
Ավելի վաղ Պուտինը հայտարարել էր, որ Մոսկվան պատրաստ է հանդես գալ որպես միջնորդ պաղեստինա-իսրայելական հակամարտության կարգավորման հարցում։ Հոկտեմբերի10-ին Պուտինն Իրաքի վարչապետ Մուհամեդ ալ-Սուդանիի հետ բանակցությունների ժամանակ հայտարարել էր Պաղեստինի ինքնիշխան պետության ստեղծման հարցը լուծելու անհրաժեշտության մասին։
Ռուսաստանի փոխարտգործնախարար Սերգեյ Ռյաբկովը նշել է, որ Ռուսաստանը կապի մեջ է հակամարտության երկու կողմերի՝ Իսրայելի և Պաղեստինի հետ։
