«Այս տղաները վարկաբեկում են ՄԱԿ-ը որպես ինստիտուտ». Մարուքյան
ՀՀ հատուկ հանձնարարություններով դեսպան Էդմոն Մարուքյանը X-ի (նախկին՝ «Թվիթեր») միկրոբլոգում անդրադարձել է ԼՂ մեկնած ՄԱԿ-ի առաքելության հայտարարություններին և գրել.
«Լեռնային Ղարաբաղում ՄԱԿ-ի այսպես կոչված առաքելությունն ամեն ինչ արել է, որպեսզի օրինականացնի էթնիկ զտումները, կամայական ձերբակալությունները, քաղաքացիական ենթակառուցվածքների ոչնչացումը եւ Ադրբեջանի կողմից իրականացված այլ հանցագործությունները: Այս տղաները ՄԱԿ-ին վարկաբեկում են որպես ինստիտուտ։ Ես անհամբեր սպասում եմ ՄԱԿ-ի հետաքննությանը այդ «ներկայացուցիչների» գործունեության վերաբերյալ»։
Մարուքյանը նաև իր միկրոբլոգում վերահրապարակել է ԼՂ ՄԻՊ Գեղամ Ստեփանյանի գրառումը՝ կից ավերված շենքերի և գնդակոծված ավտոմեքենաների լուսանկարներով, որում ասված է.
«…և ՄԱԿ-ը չի արձանագրել քաղաքացիական օբյեկտի ոչնչացումը»:
