X սոցիալական ցանցը ՀԱՄԱՍ –ի հետ կապված հարյուրավոր օգտահաշիվներ է հեռացրել
Իլոն Մասկին պատկանող X (նախկինում ՝ Twitter) սոցիալական ցանցը հայտնել Է ՀԱՄԱՍ – ի հետ կապված հարյուրավոր օգտահաշիվների հեռացման մասին: Այս մասին ասվում է հարթակի գլխավոր տնօրեն Լինդա Յակկարինոյի նամակում, որն ուղղված է ԵՄ ներքին շուկայի հարցերով եվրահանձնակատար Թիերի Բրետոնին։
Հիշեցնենք՝ նախօրեին Բրետոնը հայտարարել էր, որ «Իսրայելի վրա ՀԱՄԱՍ-ի ահաբեկչական հարձակումից հետո հիմքեր ունեն ենթադրելու, որ պլատֆորմն օգտագործվում է ԵՄ-ում արգելված բովանդակություն և ապատեղեկատվություն տարածելու համար»:
Նա պահանջել էր ջնջել նման բովանդակությունը։
