Որքան է Գազայի հատվածում ներքին տեղահանված անձանց թիվը՝ ՄԱԿ-ի գնահատականներով

Գազայի հատվածում ներքին տեղահանված անձանց` այսինքն ռազմական գործողությունների հետևանքով իրենց տները լքած, սակայն երկրի տարածքում մնացած անձանց թիվը գերազանցում է 330 000-ը: Այդ մասին հայտարարել է ՄԱԿ-ի հումանիտար հարցերի համակարգման վարչությունը:

«Գազայի հատվածում բնակչության զանգվածային տեղաշարժը շարունակվում է: Վերջին օրերին տեղահանված անձանց ընդհանուր թիվն ավելացել է 30 տոկոսով և այժմ կազմում է 338 934 մարդ, որոնցից ավելի քան երկու երրորդը ապաստան են գտել ՄԱԿ-ի մերձավորարևելյան գործակալության ենթակայության տակ գտնվող դպրոցներում»,- հայտնում են ՄԱԿ-ից:

Լրատվամիջոցները հաղորդում են, որ Գազայի հատվածում տիրող իրավիճակի հարցով ՄԱԿ ԱԽ նիստը կկայանա հոկտեմբերի 13-ին: