ՏԵՍԱՆՅՈՒԹ․ Թել Ավիվի միջազգային օդանավակայանում հռթիռակոծության պատճառով բոլոր թռիչքները դադարեցվել են
Այսօր կեսօրին Թել Ավիվի Բեն Գուրիոն միջազգային օդանավակայանից ոչ մի թռիչք չի թույլատրվում ժամանել կամ մեկնել Գազայից հրթիռների արձակումից հետո, հայտնում է Airlive.net-ը։
Հաղորդվում է, որ Գազայից հրթիռներ են արձակվել Թել Ավիվից հարավ գտնվող բնակավայրերի ուղղությամբ, որոնց թիրախում Բեն Գուրիոն օդանավակայանն է։
Տարածվել են նաև կադրեր օդանավակայանից։ Մարդիկ խուճապահար փորձում են թաքնվել սպասասրահի և տերմինալների վաճառասեղանների նստարանների հետևում։
Հավելենք, որ այսօր Մեծ Բրիտանիայի արտգործնախարար Ջեյմս Քլևերլին ժամանել է Իսրայել՝ իր երկրի աջակցությունը հայտնելու Իսրայելի ժողովրդին։
