Ֆրանսրան իր քաղաքացիներին տարհանելու համար մտադիր է ինքնաթիռ ուղարկել Իսրայել
Փարիզը մտադիր է ինքնաթիռ ուղարկել Իսրայել՝ Ֆրանսիայի քաղաքացիներին տարհանելու համար։ Այս մասին հայտնում է Agence France Presse-ը։
Նշվում է, որ հինգշաբթի օրը հատուկ չվերթ կուղարկվի Իսրայել։
Հավելենք, որ Գերմանիայի ԱԳՆ-ից ստացված տեղեկատվության համաձայն՝ Գերմանիան ևս ծրագրում է հաջորդ հինգշաբթի և ուրբաթ օրը կազմակերպել Իսրայելից տարհանման թռիչքներ։
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ զինյալներ ներխուժել են Իսրայելի հարավում գտնվող սահմանամերձ շրջաններ։ Իսրայելը պատասխան հարվածներ է հասցրել։
