Այս պահին Եգիպտոս մեկնելը վտանգավո՞ր է. ՀՀ ԱԳՆ-ից մեկնաբանում են
Վերջին օրերին զարգացող պաղեստինա-իսրայելական հակամարտությունը մտահոգությունների առիթ է դարձել ՀՀ այն քաղաքացիների շրջանում, որոնք նախապես պլանավորել էին իրենց հանգիստը կազմակերպել հակամարտող երկրներին սահմանակից երկրներում` մասնավորապես Եգիպտոսում:
Auroranews-ը, հասկանալու համար, թե ինչքանով է վտանգավոր այս շրջանում Եգիպտոս մեկնելը, կապ հաստատեց ՀՀ-ում Եգիպտոսի Արաբական Հանրապետության դեսպանատուն: Մեզ հետ զրույցում դեսպանատնից հայտնեցին, որ պատասխանատվություն չեն կրում այդպիսի ինֆորմացիա տրամադրելու համար: Նաև նշեցին, որ պատերազմական գործողությունները բավականին հեռու են տուրիստական վայրերից`
«Ավելի մանրամասն տեղեկություն ստանալու համար կարող եք դիմել ՀՀ ԱԳՆ»:
Auroranews-ը կապ հաստատեց նաև ՀՀ ԱԳՆ-ի մամուլի ծառայություն, որտեղից մեզ հետ զրույցում նշեցին. «Այս պահի դրությամբ զբոսաշրջության նպատակով Եգիպտոս այցելելու համար որևէ սահմանափակում չկա»:
Փորձեցինք կապ հաստատել նաև Հայաստանի Հանրապետության քաղաքացիական ավիացիայի կոմիտե, սական մեր զանգերը դեռ անպատասխան են:
