Արմեն Աշոտյանի խափանման միջոց կալանքը երկարացվեց երեք ամսով

ՀՀԿ փոխնախագահ Արմեն Աշոտյանի խափանման միջոց կալանքը երկարացվեց ևս երեք ամսով։ Քիչ առաջ նման որոշում կայացվեց ՀՀ հակակոռուպցիոն դատարանում:

Նշենք, որ Արմեն Աշոտյանի փաստաբանները միջնորդություն էին ներկայացրել խափանման միջոց կալանքը փոխելու համար:

«Մեղադրյալ Արմեն Գևորգի Աշոտյանի  նկատմամբ կիրառված խափանման միջոց կալանքի ժամկետը երկարացնել 3 ամիս ժամկետով՝ մինչև 2024 թվականի հունվարի 15-ը»,- դատարանում հայտարարեց դատավոր Վահե Դոլմազյանը։