6 հոգի դանակով վնասել են ՀՀ և ՌԴ պետական դրոշներն ու զինանշանները, ապա դիմել փախուստի
ՌԴ զորքերի սահմանապահը ահազանգել է, որ 6 հոգի դանակով վնասել են ՀՀ և ՌԴ պետական դրոշներն ու զինանշանները։ Այս մասին հայտնում է Shamshyan.com-ը։
Կայքի տեղեկություններով, հոկտեմբերի 7-ին, արտակարգ դեպք է տեղի ունեցել Արարատի մարզում: Ժամը 01:00-ին ՀՀ Ներքին գործերի նախարարության Ոստիկանության Արարատի բաժին է ահազանգել Ռուսաստանի Դաշնության զորքերի սահմանապահը և հայտնել է, որ ժամը 22:50-ի սահմաններում 6 հոգի դանակով վնասել են Երասխ գյուղի Կենտրոնական հատվածում գտնվող ՀՀ և ՌԴ պետական դրոշները, զինանշանները, ապա կարմիր գույնի չինական արտադրության ավտոմեքենայով դիմել են փախուստի՝ դեպի Երևանի ուղղությամբ:
Նշվում է, որ դեպքի փաստով Ոստիկանության Արարատի բաժնում փաստաթղթեր են ձևակերպվում և պարզվել է, որ վնասել են Երասխ գյուղի կենտրոնական հատվածում գտնվող հայ և ռուս ժողովուրդների բարեկամության խորհրդանիշ պաստառը:
