ՀԱՄԱՍ-ը գնդակոծել է Իսրայելի Բեն Գուրիոնի օդանավակայանը և Թել Ավիվը

ՀԱՄԱՍ-ի զինյալները պնդում են, որ գնդակոծել են Իսրայելի Բեն Գուրիոնի օդանավակայանը և Թել Ավիվը: Այս մասին ասվում է խմբի Telegram ալիքում հրապարակված հայտարարության մեջ։

Ավելի վաղ Իսրայելի պաշտպանության բանակը հայտնել էր Թել Ավիվում և կենտրոնական Իսրայելի օդային հարձակումների մասին ահազանգի մասին:

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ զինյալներ ներխուժել են Իսրայելի հարավում գտնվող սահմանամերձ շրջաններ։ Իսրայելը պատասխան հարվածներ է հասցրել։