ՀԱՄԱՍ-ի կողմից գերեվարվածների թվում տասնյակ երկքաղաքացիներ կան, այդ թվում՝ ՌԴ-ի և Չինաստանի

ՀԱՄԱՍ-ի շարժման առաջնորդը հայտարարել է, որ չի բանակցի պատանդների փոխանակման շուրջ, քանի դեռ մարտերը չեն ավարտվել: Դեռ երեկվանից խոսվում է, որ պաղեստինյան շարժման գրոհայիններն ուղիղ եթերում սպառնում են մահապատժի ենթարկել մարդկանց, եթե Իսրայելը չդադարեցնի ռմբակոծել Գազայի հատվածը: 

Հավելենք, որ գերիների թվում տասնյակ երկքաղաքացիներ են, այդ թվում ՝ Ռուսաստանի և Չինաստանի։ Ռուսաստանի դեսպանատունը հայտնել է, որ չորս ռուս անհետ կորել է։ 

Նշենք, որ Իսրայելն ունի 900 զոհ, 4000 վիրավոր, իսկ պաղեստինյան կողմը՝ 700  զոհ, 3000 վիրավոր։

Իսրայելի հարվածները Գազայի հիվանդանոցներին հանգեցրել են առողջապահության կոլապսի։ Այս մասին «ՌԻԱ Նովոստի» - ին հայտնել են Պաղեստինյան Կարմիր մահիկից: Իսրայելցիների հարվածների տակ է հայտնվել հինգ հիվանդանոց, բացի այդ, ոլորտի ամբողջական շրջափակման պատճառով նրանք բախվում են դեղերի, սարքավորումների, էլեկտրականության և վառելիքի պակասի հետ: Հիվանդանոցները վիրավորներին ընդունելու համար աշխատում են ընդամենը 4 ժամ։