ՏԵՍԱՆՅՈՒԹ․ Այրված և ավերված մեքենաներ՝ դեպի Իսրայելի Ռեյմ բնակավայր տանող մայրուղու վրա
«Մահվան ճանապարհ Իսրայելում․ այրված և ավերված մեքենաներ մայրուղու վրա, որտեղով վարում էին ՀԱՄԱՍ-ի զինյալները»։ Հենց այսպես են մեկնաբանում թելեգրամյան ալիքները այս տեսանյութը։
Ինչպես գրում է NEWS.ru-ն, այս ճանապարհը տանում է դեպի Ռեյմ բնակավայր, որտեղ նախօրեին «ՀԱՄԱՍ»-ի զինյալները խափանել էին երաժշտական փառատոնը և գրավել հանդիսատեսներից մի քանիսին։
ԱՄՆ-ում Իսրայելի դեսպանությունը հայտնել է, որ «Համաս» արմատական շարժման գրոհայինները առևանգել են ավելի քան 100 մարդու` ներառյալ խաղաղ բնակիչների և իսրայելցի զինվորականների։ Իսրայելի իշխանությունները դեռևս չեն մեկնաբանել ԱՄՆ-ում իրենց դեսպանության կողմից արված գրառման մեջ ավելի քան 100 պատանդների մասին պնդումը։
Հիշեցնենք՝ հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման է ենթարկվել։
