Բայդենը՝ իսրայելա-պաղեստինյան հակամարտության մասին
ԱՄՆ նախագահ Ջո Բայդենը հանդես է եկել հատուկ ուղերձով, որը նվիրված էր Իսրայելի վրա պաղեստինյան «Համաս» արմատական շարժման հարձակմանը։
Բայդենն ընդգծել է, որ Իսրայելը հիմա, ինչպես երբևէ, կարող է իր հույսը դնել Միացյալ Նահանգների աջակցության վրա։ Նա հիշեցրել է, որ հենց ԱՄՆ-ն է եղել առաջին երկիրը, որը ճանաչել է Իսրայելի անկախությունը։
«Մենք հոգ կտանենք այն մասին, որ նրանք ստանան օգնություն, որի կարիքն ունեն այդ երկրի քաղաքացիները, և նրանք կարողանան շարունակել պաշտպանել իրենց»,- հայտարարել է Բայդենը։
Բայդենն ընդգծել է, որ ահաբեկչական հարձակումներին «երբեք արդարացում չի լինի» և «Իսրայելին թշնամի մյուս ուժերին» կոչ արել ձեռնպահ մնալ որևէ գործողությունից և չօգտվել իրավիճակից։ Բայդենը, հավանաբար, նկատի ուներ «Հեզբոլահ» շարժմանը։
Հիշեցնենք, որ հոկտեմբերի 7-ի առավոտվանից Գազայի հատվածից սկսել էր հրթիռակոծվել Իսրայելի տարածքը։ ԱՄՆ-ն խոստանում է Իսրայելին տրամադրել ամբողջ անհրաժեշտ օգնությունը
