ՀԱՄԱՍ–ի և Իսրայելի զոհերի թիվը գերազանցել է 430-ը. Թել Ավիվի ուղղությամբ արձակվել է ավելի քան 150 հրթիռ

Իսրայելում պաղեստինյան ՀԱՄԱՍ խմբավորման հարձակման հետևանքով զոհվել է ավելի քան 200 մարդ և վիրավորվել առնվազն 1100-ը, գրում է The Times of Israel-ը։ Al Jazeera-ն հայտնում է, որ զոհվել է 232 պաղեստինցի, եւս 1697-ը վիրավորվել է։
 

Առնվազն ինը մարդ վիրավորվել է Թել Ավիվում և շրջակայքում վերջին հրթիռակոծության հետևանքով: Իսրայելցի բժիշկներին հետ են կանչել արձակուրդից և խնդրել վերադառնալ արտասահմանից, իսկ երկրում մնացածներին արգելվել է արտասահման մեկնել։

ՀԱՄԱՍ-ը հայտարարել է, որ 150 հրթիռ է արձակել Թել Ավիվի ուղղությամբ՝ ի պատասխան Գազայի աշտարակի վրա ցերեկվա հարձակման: Իսրայելի պաշտպանության բանակն էլ հայտարարել է, որ թիրախավորում է ՀԱՄԱՍ-ի մի շարք օբյեկտներ Գազայի հատվածում: