Էրդողանը «պատերազմող կողմերին զսպվածության կոչ է արել»

Թուրքիան կողմերին կոչ է անում զսպվածություն ցուցաբերել և զերծ մնալ իմպուլսիվ քայլերից, որոնք կհանգեցնեն լարվածության սրման։ Իսրայելում տեղի ունեցող իրադարձությունների մասին խոսելիս հայտարարել է Թուրքիայի նախագահ Ռեջեփ Թայիփ Էրդողանը։

Անդրադառնալով երկրի ներքին խնդիրներին՝ Էրդողանն ասել է, որ Թուրքիան վճռական է ահաբեկչության դեմ պայքարում։ 

«Մեր առաջնահերթությունն է՝ դադարեցնել արյունահեղությունը տարածաշրջանում՝ Մերձավոր Արևելքից մինչև Կովկաս, Բալկաններից մինչև Սև ծով», ասել է նա։