Նիկոլ Փաշինյանին հրավիրեցի ելույթ ունենալ Եվրախորհրդարանի լիագումար նիստում. ԵԽ նախագահ

Եվրախորհրդարանի նախագահ Ռոբերտա Մեցոլան իր աջակցությունն է հայտնել Հայաստանին Արցախի դեմ Ադրբեջանի ռազմական ագրեսիայի հետևանքով ստեղծված իրավիճակի հետ կապված։ 

Նա Գրանադայում Եվրոպական քաղաքական համայնքի գագաթնաժողովի շրջանակում հանդիպել է ՀՀ վարչապետ Նիկոլ Փաշինյանին։ 

«Հայաստանը մեր աջակցության և օգնության կարիքն ունի՝ հաղթահարելու ներկայիս հումանիտար ճգնաժամը, որն առաջացել է Լեռնային Ղարաբաղը հազարավոր մարդկանց լքելու պատճառով։ Այսօր Գրանադայում հանդիպեցի վարչապետ Նիկոլ Փաշինյանին և հրավիրեցի նրան ելույթ ունենալ Եվրախորհրդարանի լիագումար նիստում»,- գրել է Մեցոլան X-ի իր էջում։

Մեցոլան նաև լուսանկար է հրապարակել։ 

[8599d5aa69c828b11a24f631b72591e2.jpg]