Ադրբեջանը պատրաստ է Բրյուսելում «Եվրամիություն, Ադրբեջան և Հայաստան» ձևաչափով հանդիպումների․ Հաջիև

Ադրբեջանը պատրաստ է մոտ ապագայում Բրյուսելում եռակողմ հանդիպումների՝ Եվրամիության, Ադրբեջանի և Հայաստանի ձևաչափով։ Այս մասին ադրբեջանական լրատվամիջոցների փոխանցմամբ, հայտարարել է Ադրբեջանի նախագահ Իլհամ Ալիևի օգնականը։ 

«Ադրբեջանական կողմը աջակցում է ուղիղ, երկկողմանի երկխոսությանը, բանակցություններին Ադրբեջանի ու Հայաստանի միջև հարաբերությունների կարգավորման գործընթացի և խաղաղության պայմանագրի շուրջ», -ասել է Հիքմեթ Հաջիևը։

Հիշեցնենք, որ ԵՄ դիվանագիտության ղեկավար Ժոզեպ Բորելը հույս է հայտնել, որ Բրյուսելում հնարավոր կլինի բանակցություններ կազմակերպել Հայաստանի և Ադրբեջանի ղեկավարների միջև։