Թուրքիայում ահաբեկչությունից հետո գործողություններ են սկսվել Քուրդիստանի աշխատավորական կուսակցության դեմ. կա 90 ձերբակալված
Թուրքիայի անվտանգության ուժերը երկրի 18 նահանգներում գործողություններ են սկսել արգելված Քուրդիստանի աշխատավորական կուսակցության դեմ, ձերբակալվել է 90 կասկածյալ: Այս մասին տեղեկացնում է Yeni Şafak–ը:
Հիշեցնենք, որ ավելի վաղ Անկարայի կենտրոնում տեղի ունեցած ահաբեկչության պատասխանատվությունը ստանձնել էր Քուրդիստանի աշխատավորական կուսակցությունը։ Անկարայում ահաբեկչության փորձ կազմակերպած զինյալները, մեքենա էին գողացել, դրա տիրոջը սպանել, այնուհետեւ եկել Թուրքիայի ՆԳՆ շենք։
Ինչպես հայտնի էր դարձել՝ Անկարայի կենտրոնում՝ Թուրքիայի ներքին գործերի նախարարության շենքի մոտ, պայթյուն է որոտացել։
