ԱՄՆ Կոնգրեսի Ներկայացուցիչների պալատում դեմոկրատները փորձում են հեռացնել հանրապետական խոսնակին
Կոնգրեսի պատգամավոր Մեթ Գետցը երկուշաբթի բանաձև է ներկայացրել՝ կոչ անելով քվեարկել Քևին Մաքքարթիին խոսնակի պաշտոնից հեռացնելու համար, հաղորդում են ամերիկյան լրատվամիջոցները:
Գետցի՝ «Խոսնակի պաշտոնը թափուր հայտարարելու մասին» որոշումը արտոնյալ է, ինչը նշանակում է, որ այն գերակայում է Ներկայացուցիչների պալատի այլ գործերի նկատմամբ:
Ներկայացուցիչների պալատի կանոնների համաձայն՝ արտոնյալ հարցերը պետք է լսվեն օրենսդրական երկու օրվա ընթացքում:
Հաշվի առնելով Ներկայացուցիչների պալատում հանրապետականների նվազագույն առաջատարությունը՝ դեմոկրատները պետք է որոշեն՝ կողմ քվեարկել Մաքքարթիին հեռացնելու օգտին, թե աջակցելու:
Գետցը ավելի վաղ ասել էր, որ մտադիր է այս շաբաթ փորձել հեռացնել խոսնակ Մաքքարթիին պաշտոնից:
«Ես մտադիր եմ այս շաբաթ խոսնակ Մաքքարթիին հեռացնելու միջնորդություն ներկայացնել... Կարծում եմ, որ մենք պետք է առաջ շարժվենք նոր ղեկավարությամբ, որը վստահելի է», - ասել է նա CNN-ի եթերում:
Նրա խոսքով՝ Մաքքարթին կարող է մնալ իր պաշտոնում միայն այն դեպքում, եթե դեմոկրատներն աջակցեն իրեն։
