Պեսկովը հիշեցրել է Մոլդովայի՝ «Գազպրոմ»-ին ունեցած պարտքերի մասին
Հնարավոր է, որ Մոլդովան շարունակի օգտագործել ռուսական գազը նույնիսկ այն բանից հետո, երբ Քիշնևը դադարեցրել է էներգառեսուրսների գնումը «Գազպրոմ»-ից։ Այսպիսի հայտարարություն է արել ՌԴ նախագահի մամուլի քարտուղար Դմիտրի Պեսկովը՝ մեկնաբանելով Մոլդովայի էներգետիկայի նախարարության ղեկավար Վիկտոր Պարլիկովի հայտարարությունն այն մասին, որ Մոլդովան այլևս գազ չի գնի «Գազպրոմ»-ից: Պեսկովի խոսքերը մեջբերում է URA.RU-ի թղթակիցը։
«Եթե ես ճիշտ եմ հասկանում, «Գազպրոմ»-ի և Մոլդովայի միջև շփումները շարունակվում են։ Ավելին, մոլդովական կողմը պարտքեր ունի։ Այս երկխոսությունը պետք է շարունակվի։ Երկրորդ, սփոթ շուկան շատ անկայուն է: Այժմ դուք կարող եք գնել գազ, որը, ի վերջո, կպարզվի, որ ծագումով ռուսական է։ Հնարավոր է, որ Մոլդովան դա անի»,- լրագրողների հետ զրույցում ասել է Դմիտրի Պեսկովը։
Ավելի վաղ հայտնել էինք, որ Մոլդովան այլեւս գազ չի գնի «Գազպրոմից»:
