Ավարտվել է առևանգված Վագիֆ Խաչատրյանի «գործի» հետաքննությունը․ Ադրբեջանի ՄԻՊ-ն այցելել է նրան
Ադրբեջանի գլխավոր դատախազությունը ավարտել է Լաչինի միջանցքից առևանգված Վագիֆ Խաչատրյանի «գործի» հետաքննությունը և նյութերն ուղարկել Բաքվի զինվորական դատարան: Այս մասին հաղորդում են ադրբեջանական լրատվամիջոցները։
Նշվում է, որ Ադրբեջանի ՄԻՊ-ը` Սաբինա Ալիևան, այցելել է կալանավորված Վագիֆ Խաչատրյանին։
Հիշեցնենք` հուլիսի 29-ին ադրբեջանցի սահմանապահներն առևանգել են Վագիֆ Խաչատրյանին` Կարմիր խաչի միջազգային կոմիտեի մեքենայից։ Նա Արցախից Հայաստան էր տեղափոխվում՝ բժշկական օգնություն ստանալու համար։
