ՏԵՍԱՆՅՈՒԹ. Վարշավայում տեղի է ունենում զանգվածային երթ, որին ավելի քան մեկ միլիոն մարդ է մասնակցում

Վարշավայի կենտրոնում տեղի է ունենում զանգվածային «Միլիոն սրտերի երթ», որը կազմակերպել է Լեհաստանում նախկին վարչապետ Դոնալդ Տուսկի ամենամեծ ընդդիմադիր կուսակցությունը՝ Քաղաքացիական պլատֆորմը։ Ակցիան անցկացվում է հոկտեմբերի 15-ին նշանակված խորհրդարանական ընտրություններից երկու շաբաթ առաջ։

Դոնալդ Տուսկը X սոցիալական ցանցում գրել է, որ երթին ավելի քան մեկ միլիոն մարդ է մասնակցում։ Այս տեղեկությունը հաստատել է նաեւ Վարշավայի քաղաքապետարանի ներկայացուցիչ Յակուբ Լեդուխովսկին, հաղորդում է TVN.24-ը։ Լեհական լրատվամիջոցները գրում են, որ երթը խաղաղ է։

Նախատեսված ակցիայի կապակցությամբ առավոտյան Վարշավայի կենտրոնում փակվել են փողոցները, վերահղվել են հասարակական տրանսպորտի երթուղիները։ Մասնակիցները պետք է շարժվեն դեպի Ռոնդո Ռադոսլավա շրջանաձև խաչմերուկ, որտեղ կավարտվի երթը։

Ընդդիմությունը Լեհաստանի իշխող Յարոսլավ Կաչինսկու «Օրենք և արդարություն» (PiS) կուսակցությանը մեղադրում է օրենքը խախտելու, երկիրը Եվրամիությունից դուրս բերելու և ֆինանսական խարդախության մեջ:

[3fe02eb676cbe1fa77b55cb34e8ca54a.jpg]

[890ffe26c45b4d2b634d5f5131d08762.jpg]

[5732bc26de9e8bfca70947a7d210bfb4.jpg]