«Մարզի բոլոր համայնքներում ունենք բռնի տեղահանված մարդիկ». Գեղարքունիքի մարզպետ
Ժամը 14:00-ի դրությամբ Գեղարքունիքի մարզում տեղակայվել են ԼՂ-ից բռնի տեղահանված 3,276 անձ: Այս մասին կառավարության «Հումանիտար կենտրոնի» ճեպազրույցի ժամանակ ասել է Գեղարքունիքի մարզպետ Կարեն Սարգսյանը՝ նշելով, որ 7 աշխատանքային խումբ է ձևավորվել և ևս մեկ շարժական աշխատանքային խումբ:
«Ունենք հյուրանոցային համալիր, որտեղ մեծ քանակությամբ մարդկանց ենք տեղավորել: Շարժական աշխատանքային խումբը մեկնում է այդ վայրեր և տեղում կարիքների գնահատում է իրականացնում: Մարզի բոլոր համայնքներում ունենք բռնի տեղահանված մարդիկ»,- նշել է նա:
Բացի այս, ըստ մարզպետի, իրենք ներկայացնում են նաև մարզում առկա թափուր հաստիքները և փորձում արցախցիներին ներգրավվել այդ աշխատանքներում:
