Դիտարկվում է մի շարք հայ փախստականների մեր երկրում տեղավորելու հնարավորությունը. Կիպրոսի կառավարություն

Կիպրոսի կառավարությունը պատրաստ է անհապաղ մարդասիրական օգնություն ցուցաբերել Լեռնային Ղարաբաղի հայերին և քննարկում է երկրում հայ փախստականներին տեղավորելու հնարավորությունը։ Տեղեկությունը հայտնում է ՌԻԱ Նովոստին` հղում անելով Կիպրոսի արտաքին գործերի նախարարության հայտարարությանը, որը վերաբերում է Լեռնային Ղարաբաղի վերջին իրադարձություններին։

«Կիպրոսի Հանրապետությունը բաց ուղիներ է պահում հայ ժողովրդի համար։ Այս շրջանակներում Կիպրոսի կառավարությունը պատրաստ է անհապաղ մարդասիրական օգնություն ցուցաբերել Ղարաբաղից վտարված հազարավոր հայերի, որոնք լքում են իրենց պապական տները։ Այս առումով դիտարկվում է նաև մի շարք հայ փախստականների մեր երկրում տեղավորելու հնարավորությունը, եթե նման անհրաժեշտություն առաջանա»,- նշված է հաղորդագրության մեջ։

Կիպրոսի ԱԳՆ-ն դատապարտել է սեպտեմբերի 19-ին և 20-ին Լեռնային Ղարաբաղում Ադրբեջանի ռազմական գործողությունը և 2020 թվականի նոյեմբերի 9-ի հրադադարի համաձայնագրի կոպիտ խախտումը։

Կիպրոսը Բաքվին մեղադրել է նաև էթնիկ զտումների մեջ։