«Որքան տեղյակ եմ, Արցախի նախկին նախագահներից ոչ ոք ձերբակալված չէ դեռ»․ Բեգլարյան
«Որքան տեղյակ եմ, Արցախի նախկին նախագահներից ոչ ոք ձերբակալված չէ դեռ»։ Այս մասին «Ազատության» հետ զրույցում ասել է նախկին պետնախարար Արտակ Բեգլարյանը, որը իր գտնվելու վայրը դեռ չի բացահայտում։
Լրատվամիջոցի դիտարկմանը, որ եթե ադրբեջանցիները արդեն մուտք են գործել Ստեփանակերտ, հետևաբար ամեն պահի կարող են նախկին նախագահներին ձերբակալել, Բեգլարյանը պատասխանել է, թե այդ վտանգը կա, բայց նախ պետք է նախագահներին գտնեն։
«Միգուցե, նրանք տարբեր տեղերում թաքնված են, իրենց տներում նստած չեն սպասում, միգուցե Ստեփանակերտում չեն թաքնված, ի՞նչ գիտեք , Ստեփանակերտում 10 հազարից ավելի բնակարան կա, էդքան հեշտ չէ մարդ գտնել», - նշել է նա։
