Անհրաժեշտ է հրատապ միջազգային մարդասիրական օգնություն հասցնել Լեռնային Ղարաբաղ. Բորել

Անհրաժեշտ է հրատապ միջազգային մարդասիրական օգնություն հասցնել Լեռնային Ղարաբաղ։ Այս մասին X-ի իր միկրոբլոգում գրել է ԵՄ արտաքին քաղաքական ծառայության ղեկավար Ժոզեպ Բորելը։

«Մեր մտքերը երեկ Ստեփանակերտում տեղի ունեցած վառելիքի ողբերգական պայթյունի զոհերի և նրանց հարազատների հետ են։ Անհրաժեշտ է հրատապ կերպով ապահովել Լեռնային Ղարաբաղ միջազգային մարդասիրական օգնության հասանելիությունը։ ԵՄ-ն հայտարարել է լրացուցիչ օգնության մասին և պատրաստ է ավելին անել»,-գրել է նա։

Հիշեցնենք ՝ Եվրոպական միությունն արդեն հայտնել է, որ 5 մլն եվրոյով ավելացնում է Լեռնային Ղարաբաղում ճգնաժամի հետևանքով առաջացած աճող կարիքներին ուղղված մարդասիրական ֆինանսավորումը։