ՏԵՍԱՆՅՈՒԹ. Սյունիքը մեզ համար կարմիր գիծ է, արցախցիների կարիքները հաշվառում ենք. Գնել Սանոսյան
Կոռնիձորում և Գորիսում կենտրոններ ենք ստեղծել, որտեղ հաշվառվում են Արցախից Հայաստան տեղափոխված քաղաքացիների կարիքները։ Այս մասին այսօր՝ սեպտեմբերի 25-ին, լրագրողների հետ ճեպազրույցում հայտնել է ՏԿԵ նախարար Գնել Սանոսյանը։
«Տեղափոխվող մեր հայրենակիցների կարիքները գրանցվում են, նրանց կարիքները ֆիքսվում են։ Հիմա նրանց տեղաբաշխում ենք Սյունիքում, Վայոց ձորում, հետագայում ըստ հեռավորության կտեղաբաշխվեն։ Մարդկանց նաև վառելիք են տրամադրում իրենց տեղափոխությունը կազմակերպելու համար» - մանրամասնել է նախարարը։
Հարցին՝ արդյո՞ք Սյունիքը կարմիր գիծ է իշխանությունների համար, Գնել Սանոսյանը դրական պատասխան է տվել, որ, իհարկե, Սյունիքն իրենց համար կարմիրր գիծ է։
