Լավրովն ու Բայրամովը քննարկել են տարածաշրջանում ստեղծված իրավիճակը
Սեպտեմբերի 22-ին կայացել է ՌԴ և Ադրբեջանի ԱԳ նախարարների` Սերգեյ Լավրովի ու Ջեյհուն Բայրամովի հանդիպումը: Այս մասին իր թելեգրամյան ալիքում հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Դիվանագետը նշել է, որ բանակցությունների մեկնարկին ադրբեջանական պատվիրակությունը կրկին ներողություն է խնդրել ռուսական կողմից Լեռնային Ղարաբաղում ռուս խաղաղապահների մահվան կապակցությամբ։
Հաղորդվում է, որ կողմերը քննարկել են իրավիճակը տարածաշրջանում` շեշտը դնելով հումանիտար բաղադրիչի վրա: Բացի այդ, քննարկվել են նաև միջազգային խնդիրներին վերաբերող մի շարք արդիական հարցեր:
