Ադրբեջանական զորքերը շարժվում են դեպի Ստեփանակերտի կենտրոն. Ալեքսանդր Լապշին

7 ամիս Ադրբեջանում դատապարտված ՌԴ և Իսարյելի քաղաքացի, բլոգեր Ալեքսանդր Լապշինը ֆեյսբուքում գրառել է, որ ադրբեջանական զորքերը շարժվում են դեպի Ստեփանակերտի կենտրոն: 

«Ինձ տեղեկացնում են, որ ադրբեջանական զորքերը մտել են Ստեփանակերտ և դանդաղ, կանգառներով մի քանի ուղղություններից հետևակով և զրահամեքենաներով շարժվում են դեպի քաղաքի կենտրոն։ Դիմադրության նրանք չեն հանդիպում, քանի որ հայկական ուժերը ստիպված են հետևել Եվլախում հրադադարի մասին պայմանավորվածություններին։ Ռուս խաղաղապահներն էլ նրանց չեն կանգնեցնում։ 

Ադրբեջանական հրամանատարության կողմից դրված նպատակն արդեն այսօր երեկոյան կամ վաղն Արցախի Ազգային ժողովի վրա բարձրացնել ադրբեջանական դրոշը։ Ինչպես հասկացա, ադրբեջանական զորքերի այս խումբը կոշտ հրաման է ստացել ՝ չկրակելու Ստեփանակերտում խաղաղ բնակչության վրա՝ վախենալով մեծ թվով վկաների ներկայությունից»։