ՀՀ-ի, ՌԴ-ի, Թուրքիայի և Ադրբեջանի ղեկավարների հանդիպման մասին կոնկրետ տեղեկություններ չկան

Թուրքիայի, Ռուսաստանի, Հայաստանի և Ադրբեջանի ղեկավարների հանդիպման օրվա և վայրի մասին կոնկրետ տեղեկություններ չկան։ Այս մասին հայտնում է ՌԻԱ Նովոստիին՝ հղում անելով Թուրքիայի ղեկավարի վարչակազմի աղբյուրին։

«Հանդիպման օրվա կամ վայրի մասին կոնկրետ տեղեկություն չկա: Առայժմ հարցը մնում է առաջարկի մակարդակում»,- ասել է գործակալության զրուցակիցը։

Հիշեցնենք, որ Թուրքիայի նախագահն իր մտադրության մասին հայտարարել էր ԱՄՆ ` ՄԱԿ-ի ԳԱ մեկնելուց առաջ կայացած ճեպազրույցի ժամանակ։ Էրդողանը նշել էր, որ մտադիր է հանդիպումը քննարկել Ադրբեջանի նախագահ Իլհամ Ալիևի հետ։

Էրդողանը նաև ասել էր, որ Ռուսաստանի, Ադրբեջանի և Հայաստանի կողմից առաջարկին պատասխան դեռ չի ստացվել: