ՏԵՍԱՆՅՈՒԹ․ Վահագն Ալեքսանյանը պարզաբանել է, թե ինչո՞ւ է ընտրության մասնակցության ցուցանիշը նվազել

Մեր դեպքում, կարծում եմ՝ ընտրողների մոտ գուցեեւ որոշակի վստահություն կա, որ «Քաղաքացիական պայմանագիրը», այնուամենայնիվ, հեշտության հաղթելու է ընտրությունները: Այս մասին NEWS.am-ի հետ զրույցում ասել է «Քաղաքացիական պայմանագիր» խմբակցության պատգամավոր Վահագն Ալեքսանյանը՝ անդրադառնալով հարցին, թե ինչո՞ւ է ընտրության մասնակցության ցուցանիշը նվազել:

«Այստեղ մի քանի պատճառ կա: Քաղաքացիներին կոչ եմ անում՝ գնալ ընտրատեղամասեր, իսկ ընդդիմության դեպքում էլ թող իրենք պատասխանեն»,- նշել է Վահագն Ալեքսանյանը:

Անդրադառնալով հարցին, թե ինչո՞ւ է շտաբ եկել Նիկոլ Փաշինյանը եւ ինչո՞ւ էր դժգոհ, Ալեքսանյանը պատասխանել է.

«Նիկոլ Փաշինյանը նաեւ «Քաղաքացիական պայմանագիր» կուսակցության վարչության նախագահն է: Շատ տրամաբանական է, որ ընտրության օրը եկավ կենտրոնական շտաբ, խոսեց անդամների եւ կուսակցականների հետ: Դժգոհություն չուներ, խոսեցինք ընտրության մասնակցության թվերից»:

Մանրամասները՝ տեսանյութում։