Հաջիևը Լաչինի միջանցքը չբացելու հարցով կրկին Հայաստանին և Արցախին է մեղադրել

«Մենք շարունակում ենք ներգրավված լինել Կարմիր Խաչի միջազգային կոմիտեի հետ՝ ապահովելու Աղդամ (Ակնա)-Խանքենդի և Լաչին-Խանքենդի(Ստեփանակերտ)  ճանապարհների շուտափույթ և միաժամանակյա բացումը ԿԽՄԿ-ի բեռնատարների համար, ինչպես համաձայնեցված է Ադրբեջանի նախագահի և պետքարտուղար Բլինքենի սեպտեմբերի 1-ի հեռախոսազրույցում»,-X (նախկին Twitter) սոցիալական ցանցում գրել է Ադրբեջանի նախագահի օգնական Հիքմեթ Հաջիևը:

«Այդ օրվանից 12 օրացուցային օր է անցել, բայց Հայաստանին ենթակա ապօրինի ռեժիմը հրաժարվում է թույլ տալ այդ անցումը և ճանապարհների բացումը: Կոչ ենք անում մեր միջազգային գործընկերներին կրկնապատկել իրենց ջանքերը և ճնշում գործադրել Հայաստանի ու նրան ենթակա ապօրինի ռեժիմի վրա՝ վերջ տալու այս ապակառուցողական քաղաքականությանը», - գրել է Հաջիևը։

Հիշեցնենք, որ այսօր արդեն 276-րդ օրն է՝ Ադրբեջանը շրջափակման մեջ է պահում Արցախը։