Կորի Գաուֆն առաջին անգամ նվաճեց US Open-ի տիտղոսը
Աշխարհի 6-րդ ռակետ Կորի Գաուֆն առաջին անգամ նվաճեց ԱՄՆ-ի բաց առաջնության չեմպիոնի տիտղոսը։
Եզրափակիչում 19-ամյա թենիսիստուհին մրցեց աշխարհի երկրորդ ռակետ, Բելառուսի ներկայացուցիչ Արինա Սաբալենկայի հետ եւ հաղթեց 2:6, 6:3, 6:2 հաշվով։ Պայքարը տեւեց 2 ժամ եւ 5 րոպե։
Կորի Գաուֆն առաջին անգամ նվաճեց «Մեծ սաղավարտի» մրցաշարի տիտղոս։
Գաուֆը կստանա 2000 վարկանիշային միավոր եւ 3 միլիոն դոլար։
Սաբալենկան կստանա 1300 վարկանիշային միավոր, 1,5 միլիոն դոլար։ Սաբալենկան կդառնա աշխարհի առաջին ռակետ՝ շրջանցելով լեհ Իգա Շվյոնտեկին։
