«Պուտինը սպանել է Պրիգոժինին, համենայնդեպս, մենք նման տեղեկություն ունենք». Զելենսկի

Ուկրաինայի նախագահ Վլադիմիր Զելենսկին միացել է այն մարդկանց շարքին, ովքեր Կրեմլին պատասխանատու են համարում Wagner PMC-ի հիմնադիր Եվգենի Պրիգոժինի մահվան համար։ Զելենսկին այս համատեքստում հրապարակայնորեն հիշատակել է Պուտինին, հայտնում է BBC-ն։

«Պուտինը սպանել է Պրիգոժինին, համենայնդեպս, մենք նման տեղեկություն ունենք»,- ասել է Ուկրաինայի նախագահը Կիևում Յալթայի գագաթնաժողովում:

«Ուկրաինայում մենք սգո օրեր չենք հայտարարել, երբ Պրիգոժինը մահացավ», - շարունակել է Զելենսկին։ «Մեզ համար սա մեկ ահաբեկիչի կորուստ է».

Հիշեցնենք, որ օգոստոսի 23-ին ՌԴ Տվերի մարզում վթարի է ենթարկվել ինքնաթիռ, որում եղել է 10 մարդ, որոնց թվում են եղել Պրիգոժինը և Վագների ՊՄԿ-ի հրամանատարությունը։ Նրանք բոլորը մահացել են։ Միայն օգոստոսի 27-ին Պրիգոժինի մահը պաշտոնապես հաստատվեց։