Հնդկաստանը հերքում է CNN-ին

Հնդկաստանի մամուլի տեղեկատվական բյուրոն հերքել է CNN-ի զեկույցի պնդումները, որտեղ ասվում էր, որ Դելիի կառավարական իշխանությունները քաղաքում մարդկանց անօթևան են թողել G20-ի գագաթնաժողովից օրեր առաջ մայրաքաղաքում իրականացված քանդման գործողությունից հետո:

Հնդկաստանի Մամուլի տեղեկատվական բյուրոն (PIB) նշել է, որ վտարումը կապված չէ G20-ի գագաթնաժողովի հետ, և այն վայրը, որտեղ դա տեղի է ունենում, գագաթնաժողովի հանդիպման վայրի մոտ չէ:

Սոցիալական մեդիա X հարթակում հրապարակված գրառման մեջ PIB-ը գրել է. «CNN-ն ապակողմնորոշիչ հայտարարություններ է արել G20 գագաթնաժողովից առաջ: Քանդման գործողություները կատարվում է Գերագույն դատարանի կողմից ընդունված հրամանների համաձայն։ Թուղլաքաբադում կառույցների քանդումը կապված չէ G20-ի հետ»:

CNN-ը հրապարակել է Ռեա Մոգուլի, Վեդիկա Սուդի և Սանյա Ֆարուկիի զեկույցը։ 

«Հնդկաստանը, համաշխարհային աղքատների ջատագովը, մաքրում է տնակային թաղամասերը, երբ մոտենում է G20-ը»: Զեկույցում ասվում է, որ Դելիում այս գործողությունն իրականացվում է, որպեսզի մայրաքաղաքը ներկայանալի լինի G20-ի առաջիկա գագաթնաժողովին ներկա օտարերկրյա հյուրերի առջև: