Նիգերիայում մզկիթի վրա խմբակային հարձակման հետևանքով յոթ մարդ է զոհվել
Նիգերիայի հյուսիսում մզկիթի վրա տեղի գանգստերների հարձակման հետևանքով առնվազն յոթ մարդ է զոհվել, երկուսը վիրավորվել են, հայտնում է Daily Post-ը՝ հղում անելով աղբյուրներին:
«Կադունա նահանգի Իկարուս տեղական ինքնակառավարման շրջանի Սայա-Սայա գյուղի մզկիթում ավազակները սպանել են յոթ հավատացյալների»,- ասվում է հաղորդագրության մեջ։
Նշվում է, որ հինգ մարդ զոհվել է անմիջապես մզկիթի շենքում, եւս երկու մարդ վիրավորվել է հարձակման հետեւանքով։ Աղբյուրը հավելել է, որ հարձակումը տեղի է ունեցել այն ժամանակ, երբ հավատացյալները երեկոյան աղոթք էին անում։
Տուժածները տեղափոխվել են հիվանդանոց։ Նահանգի հասարակայնության հետ կապերի խոսնակ Մանսիր Ալհասանն ասել է, որ հարակից շրջանների անվտանգության աշխատակիցները մոբիլիզացվել են հարձակվողներին բռնելու համար:
