ՏԵՍԱՆՅՈՒԹ. Սևանում կարկուտ է տեղացել. ինչ եղանակ է սպասվում

Այսօր Գեղարքունիքի մարզում կարկուտ է տեղացել: Սոցցանցերում արդեն տարածվել է կարկուտը ցուցադրող տեսանյութ: Նշվում է, որ այն արվել է այսօր Սևանում:

Հիշեցնենք, որ համաձայն եղանակային կանխատեսման՝ օգոստոսի 22-27-ին Երևանում, Արարատյան դաշտում, Արագածոտնի, Կոտայքի, Վայոց ձորի նախալեռնային հատվածում, Սյունիքի և Տավուշի հովիտներում բարձր կարգի հրդեհավտանգ իրավիճակը կպահպանվի։

Ըստ Շրջակա միջավայրի նախարարության՝ օգոստոսի 22-ի, 23-25-ին կեսօրից հետո, 26-ի գիշերը առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է կարկուտ։ Օգոստոսի 26-ի ցերեկը, 27-ին սպասվում է առանց տեղումների եղանակ։ Քամին՝ արևմտյան 2-5 մ/վրկ, ամպրոպի ժամանակ սպասվում է քամու ուժգնացում 18-22 մ/վրկ արագությամբ։ Օդի ջերմաստիճանն օգոստոսի 24-25-ին աստիճանաբար կնվազի 3-5 աստիճանով։