Falcon Heavy ծանր հրթիռը Երևանի ժամանակով հինգշաբթի  ուղեծիր դուրս կգա ամերիկյան EchoStar ընկերության հեռահաղորդակցական Jupiter 3 արբանյակով։ 

Spaceflight Now մասնագիտացված կայքի հաղորդմամբ՝ SpaceX հրթիռի արձակումը նախատեսվում է իրականացնել Քենեդու տիեզերական կենտրոնի LC-39A արձակման հարթակից Ֆլորիդայի Կանավերալ հրվանդանից չորեքշաբթի երեկոյան ժամը 23:04-ին (հինգշաբթի, Երևանի ժամանակով ժամը 07:04-ին):

9,2 տոննա կշռող կապի արբանյակը ամենածանրն է աշխարհում։ Սարքը, որը դուրս կգա գեոստացիոնար ուղեծիր, նախատեսված է գերարագ ինտերնետ կապի համար։ Այն ի վիճակի է ապահովել առավելագույն թողունակություն 500 գիգաբիթ/վայրկյան ԱՄՆ-ում, Կանադայում, Մեքսիկայում և Հարավային Ամերիկայում:

Արբանյակը գնահատվում է 445 միլիոն դոլար և պատվիրվել է Maxar արտադրողից EchoStar-ի և նրա դուստր ձեռնարկության՝ Hughes Network Systems-ի կողմից: 

Փոխադրողից բաժանվելուց հետո Falcon Heavy երկու կողային ուժեղացուցիչները պետք է ուղղահայաց վայրէջք կատարեն LZ-1 և LZ-2 տեղամասերում՝ Ֆլորիդայի Քեյփ Կանավերալ հրվանդանի արձակման վայրում: