Նոր մանրամասներ՝ Արմավիրում տեղի ունեցած պայթյունից
Օգոստոսի 20-ին, ժամը 18։34-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դալարիկ գյուղի խաչմերուկում՝ գազալցակայանում, տեղի է ունեցել պայթյուն՝ հրդեհի բռնկմամբ։
Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից չորս մարտական հաշվարկ։ Պարզվել է, որ պայթյունը տեղի է ունեցել գազալցակայանի կոմպրեսորային հանգույցում:
Հրդեհը մեկուսացվել է ժամը 19։08-ին, մարվել՝ 19։42-ին։ Իրականացվել են հետհանգեցման աշխատանքներ: Այրվել են գազալցակայանի տանիքի փայտե կառուցատարրերը (մոտ 300 քմ), էլ․ վահանակ, մալուխներ և երկու էլ․ շարժիչ:
Քաղաքացիներ Դ. Ե.-ն (ծնված 2002 թ.) և Մ. Ս.-ն (ծնված 1968 թ.) տեղափոխվել են բժշկական կենտրոն, որտեղ բժիշկները նրանց առողջական վիճակը գնահատել են կայուն ծանր:
