Հպարտ եմ, որ օգնեցի Ալ-Նասրին նվաճել այս կարևոր տիտղոսը․ Ռոնալդուն՝ հաղթանակի մասին
«Ալ Նասրը» 2:1 հաշվով նվաճեց Արաբական չեմպիոնների գավաթը՝ եզրափակիչում մրցելով «Ալ Հիլյալի» հետ։ Դուբլի հեղինակ դարձավ 38-ամյա պորտուգալացի հարձակվող Կրիշտիանու Ռոնալդուն, որը սոցցանցի իր էջում մեկնաբանություն է թողել։
«Չափազանց հպարտ եմ, որ օգնեցի թիմին առաջին անգամ նվաճել այս կարևոր տիտղոսը: Շնորհակալ եմ ակումբի բոլոր անդամներին, որոնք ներգրավված են եղել այս մեծ նվաճման մեջ, ինչպես նաև ընտանիքիս և ընկերներիս, որ միշտ իմ կողքին են: Ֆանտաստիկ աջակցություն մեր երկրպագուներից: Սա նաև ձեզ է պատկանում»,- գրել է Ռոնալդուն։
Նշենք, որ հաղթական գոլը Ռոնալդուն խփել է 98-րդ րոպեին, իսկ 115-րդ րոպեին նա փոխարինվել է ծնկի վնասվածքի պատճառով։
