«Զարմանալի չէ, որ ձեր կինը թողել է ձեզ»․ Կանադայի վարչապետի վարդագույն տրամադրությունը

Կանադայի վարչապետ Ջասթին Թրյուդոն իր որդու հետ լուսանկար է հրապարակել վարդագույն հագուստով և մակագրել «Team Barbie»՝ հղում անելով այժմ հայտնի ֆիլմին։ Համացանցի օգտատերերը քննադատել են քաղաքական գործչին՝ հիշելով նրա ամուսնալուծությունը։
 

Թրյուդոն լուսանկարը հրապարակել է իր X էջում (նախկինում՝ Twitter. սոցիալական ցանց)։

«Զարմանալի չէ, որ ձեր կինը թողել է ձեզ», - գրել է օգտատերերից մեկը:

Մեկ ուրիշն ասել է, որ վստահ է, որ լուսանկարը տեղադրվել է Թրյուդոյին ծաղրող բլոգում և ցնցված է, որ լուսանկարն արվել է Կանադայի իսկական վարչապետի կողմից:

Շատերը լուսանկարներ են հրապարակել Ֆրանսիայի նախագահ Էմանուել Մակրոնի հետ Թրյուդոյի երկկողմ հանդիպումներից, որոնցում քաղաքական գործիչները գրկախառնվում և համբուրում են միմյանց այտերը։

Մեկ այլ օգտատեր կատակով նշել է, որ Կանադան վերջապես ստացավ այն, ինչի մասին երազում էր այսքան ժամանակ՝ սեփական թագուհուն։

Թրյուդոն ավելի վաղ հայտարարել էր, որ 18 տարվա ամուսնությունից հետո բաժանվում է կնոջից։ Նրանք երեք երեխա ունեն։