ԼՈՒՍԱՆԿԱՐ. Արգենտինացի փաստաբանը Ալիևի ցեղասպանական գործողությունների մասին զեկույց կհրապարակի
Արգենտինացի փաստաբան, Միջազգային քրեական դատարանի առաջին դատախազ (2003-2012) Լուիս Մորենո Օկամպոն միանգամից թվիթերյան մի քանի գրառում է կատարել՝ հայտարարելով Արցախին օգնելու պատրաստակամության և Արցախի դեմ Ալիևի ռեժիմի ցեղասպանական գործողությունների մասին զեկույց հրապարակելու մտադրության մասին։
Հիշեցնենք, որ արդեն 232 օր է Ադրբեջանը շարունակում է փակ պահել Լաչինի միջանցքը` խաթարելով մարդկանց տեղաշարժը: Նշենք, որ հուլիսի 26-ին առաջին անհրաժեշտության սննդամթերքով ու ապրանքներով 19 բեռնատար մեքենաները ուղևորվել են Կոռնիձոր, որտեղից նախատեսվում էր ՌԴ խաղաղապահների ուղեկցությամբ 400 տոննա հումանիտար օգնությունը փոխանցել արցախահայությանը։ Սակայն Ադրբեջանը արգելել է դեպի Արցախ ուղևորվող հումանիտար բեռի տեղափոխումը:
