Բելգիայի օդանավակայանում օդաչուների գործադուլի պատճառով չեղարկվել է մոտ 100 չվերթ
Բելգիայի «Բրյուսել-Շառլեռուա» օդանավակայանը հուլիսի 29-ին եւ 30-ին հայտարարել է Ryanair ավիաընկերության 96 չվերթի չեղարկման մասին օդաչուների՝ հանգստյան օրերին տեղի ունեցող գործադուլի պատճառով, վկայում է օդանավակայանի կայքում հրապարակված հաղորդագրությունը, տեղեկացնում է «ՌԻԱ Նովոստի»-ն։
«Բրյուսել-Շառլեռուա» օդանավակայանը ձեզ տեղեկացնում է, որ 2023թ. հուլիսի 29-ին եւ 30-ին նախատեսված է Ryanair ավիաընկերության որոշ բելգիացի օդաչուների գործադուլ։ Այդ գործադուլը կարող է հանգեցնել «Բրյուսել-Շառլեռուա» օդանավակայանից թռչող չվերթների չեղարկման»,- ասված է հաղորդագրությունում։
Կայքում ներկայացված են 96 չեղարկված չվերթները, օդանավակայանի վարչությունը խորհուրդ է տալիս ուղեւորներին նախապես ստուգել չվերթի ստատուսը։
Օդաչուները պահանջում են բարձրացնել աշխատավարձը, որն իջեցրել էին կորոնավիրուսի համավարակի սկսվելուց հետո, բայց այդպես էլ չեն բարձրացրել ճգնաժամի ավարտից հետո։ Բացի այդ, նրանք թռիչքների ավելի մեղմ ժամանակացույց են ակնկալում։
Հունիսի սկզբին Ryanair ընկերությունը ստիպված էր չեղարկել 400 չվերթ ամբողջ Եվրոպայում Ֆրանսիայում ավիակարգավարների գործադուլի պատճառով։
