Նիգերի զինվորականները հայտարարել են երկրի նախագահի տապալման և սահմանների փակման մասին
Նիգերի (Արևմտյան Աֆրիկա) զինվորականները հայտնել են, որ երկրի նախագահ Մուհամեդ Բազումը հեռացվել է, իսկ պետության սահմաններն այսօրվանից փակվել են։ Այս մասին հայտնում է Reuters գործակալությունը՝ հղում անելով զինվորականների՝ ազգային հեռուստատեսությամբ արված հայտարարությանը։
Գնդապետ Ամադու Աբդրամանը ասել է, որ երկրի պաշտպանության և անվտանգության ուժերը որոշել են «վերջ դնել ռեժիմին», որի օրոք անվտանգայն իրավիճակը վատթարացել է, և եղել է նկատելիորեն վատ կառավարում:
Նրա խոսքով՝ Նիգերի սահմանները փակ են, համազգային պարետային ժամ է հայտարարվել, իսկ երկրի բոլոր հաստատությունների գործունեությունը դադարեցվել է։
Տեղական Jeune Afrique պորտալը, հղում անելով իր աղբյուրին, գրում է, որ ներկայիս նախագահին իր նստավայրում ձերբակալել են նախագահական գվարդիայի անդամները։
Նախօրեին հայտնել էինք, որ նախագահական գվարդիայի մասերը «ըստ ամենայնի արգելափակել են Մոհամեդ Բազումին իր պալատում»։ Ավելի ուշ նախագահի գրասենյակից հայտնել են, որ Նիգերի բանակը չի աջակցել աֆրիկյան երկրի ղեկավարի պահակախմբի ապստամբությանը, և Բազումի և նրա ընտանիքի գործերը լավ են։
