Բայդենը սխալվել է՝ 10 հազար անգամ իջեցնելով ԱՄՆ-ում կորոնավիրուսի զոհերի թիվը

ԱՄՆ նախագահ Ջո Բայդենը վրիպում է թույլ տվել՝ հայտարարելով, որ ԱՄՆ-ում COVID-19 համավարակից մահացել է ավելի քան 100 մարդ։ Նա, այսպիսով, սխալվել է 10 հազար անգամ։

«Մեզ չի լքում կորստի զգացողությունը համավարակից հետո. ավելի քան 100 մարդ է մահացել։ 100 դատարկ աթոռներ խոհանոցի սեղանների շուրջ»,- ասել է Բայդենը՝ հայտարարելով  ԱՄՆ-ում մենթալ առողջության աջակցության ծառայությունների հասանելիության ընդլայնման մասին։

Ինչպես նշել է գործակալությունը, Սպիտակ տունն այս ելույթի գրառման մեջ գիծ է քաշել «100»-ի վրա եւ փակագծերում նշել «1 միլիոն»։

Ջոնս Հոփքինսի համալսարանի տվյալներով՝ 2022թ. մայիսի դրությամբ Միացյալ Նահանգներում համավարակի սկզբից կորոնավիրուսից ու դրա հետեւանքներից մահացել է 1 000 091 մարդ։