ՏԵՍԱՆՅՈՒԹ. Առևտրի կենտրոնում եռացող ջրով խողովակի պայթելու հետևանքով մահացածների թիվն աճել է. մանրամասներ

Մոսկվայի Կուտուզովսկի պողոտայի «Վրեմենա Գոդա» առևտրի կենտրոնում եռացող ջրով խողովակի պայթելու հետևանքով զոհերի թիվը հասել է չորսի, հայտնում է ՏԱՍՍ-ը։

Մոսկվայի քաղաքապետ Սերգեյ Սոբյանինը ցավակցություն է հայտնել զոհվածների ընտանիքներին և ընկերներին։ Նա հաստատել է, որ առևտրի կենտրոնում տեղի ունեցած ողբերգությունը խլել է ևս երեք մարդու կյանք։ Փրկարարները տեղում շարունակում են աշխատանքները, ասել է քաղաքապետը։

Ավելի վաղ հաղորդվել էր, որ Մոսկվայի Կուտուզովսկի պողոտայում գտնվող «Վրեմենա Գոդա» առևտրի կենտրոնում տաք ջրով խողովակի պայթելու հետևանքով տուժել է ավելի քան 50 մարդ։

Բոլոր մահացածները Globus Gourmet սուպերմարկետի աշխատակիցներ են, որտեղ հոսքագծի վրա եռացող ջրով խողովակ է պայթել, հայտնում է Life-ը՝ Shot-ին հղումով։

Աղբյուրի փոխանցմամբ՝ ջուրը լցվում է հատակները, գոլորշի է բարձրացել, սակայն ոչ ոք չի հայտարարել տարհանման մասին և առևտրի կենտրոնում ահազանգ չի հնչել։