Իրանում ցուցարարները պահանջում են վտարել Շվեդիայի դեսպանին

Ստոկհոլմում Ղուրանի այրման ակտի դեմ Թեհրանում կազմակերպված ցույցի մասնակիցները հանրապետության իշխանություններից պահանջել են վտարել Շվեդիայի դեսպանին, գրում է РИА Новости-ն։ 

Որոշ ցուցարարների ձեռքերին կան «Դեսպանատունը պետք է փակվի» գրությամբ պաստառներ։

Գործակալության տվյալներով՝ Իրանի մայրաքաղաքում ցույցը տեղի է ունենում հենց Շվեդիայի դեսպանատան դիմաց, որտեղ նաև ոստիկանական ուժեր կան։ 

Նախօրեին Իրանում Շվեդիայի դեսպանին կանչել էին երկրի ԱԳՆ, նրան բողոքի նոտա էին հղել ու դատապարտել էին Շվեդիայում Ղուրանի կրկնվող պղծման կապակցությամբ։ Տեղական լրատվամիջոցները հաղորդում են, որ Իրաքի վարչապետ Մուհամմեդ ալ-Սուդանին որոշել է արտաքսել Բաղդադում Շվեդիայի դեսպան Ջեսիկա Սվարդստրյոմին։